Hope Small groups
هي مجموعات اون لاين، هتكون عبارة عن 8 مرات هنتقابل فيهم على zoom، مرة كل أسبوع، خلال شهر ابريل ومايو المجموعات دي مش للتعليم فقط، لكن الأهم فيها، هو انك هتكون في مجموعة شبهك، تتعلموا مع بعض، وبتتناقشوا أو بتفضفضوا حوالين الموضوع المطروح، وفي شهر يوليو هيكون عندنا مؤتمر ( بإشتراك رمزي ) نتقابل فيه وجها لوجه.
المسيرة الأونلاين دي مجاناً لشباب ثانوي وجامعة
خلال شهر ابريل ومايو 2022
الموضوعات اللي هناخدها:
- مين أنا ؟!
في المرة دي هنتعلم عن الهوية .. ايه أهميتها؟ وازاي اكتشفها؟ وهل ممكن تتغير من وقت للتاني ولا ثابتة؟ وايه اللي بيحدد قيمة الإنسان؟ - العلاقات :
العلاقات واحدة من أهم الحاجات اللي في الحياة، علشان كده هناخد اكتر من مرة في الموضوع ده، هنتعلم مبادئ أساسية تنجح أي علاقة، وعن ايه الحقوق والحدود اللي لينا وعلينا، وعن الاعتمادية وادمان العلاقات، وعن كيفية إدارة الصراعات في حياتي، وكمان ازاي وليه أغفر. - الناجح يرفع ايده !!
النجاح هو واحد من المواضيع المحيرة، مين الشخص الناجح؟ وايه المعايير اللي اقدر اقيس عليها؟ وهل المعايير دي تنفع مع كل الناس؟ هل في تعارض بين النجاح العملي والروحي؟ هنتناقش وهنتعلم حوالين الأسئلة دي. - البنك
تخيل إن وقتك زي الفلوس، وانت عندك رصيد من الوقت كل يوم، ومحتاج تفكر ازاي تصرفه صح. - يمين ولا شمال ؟؟
قدام قرارات كبيرة بنكون حيرانين، ناس تقولك إسأل طبيب، وناس تقولك إسأل مجرب، وناس تصعبها أكتر وتقولك اعرف مشيئة ربنا، وهنا تزداد الحيرة من حيرة أخذ القرار لحيرة اكتر في ازاي اخد قرار، نعمل ايه ونروح لمين ده اللي هنتعلمه ونحكي عنه في المرة دي. - كلبشات !!
رغم سمعتها الوحشة، إلا إنها قوية جدا، وواخدة 40% من تصرفاتنا اليومية، ولو قدرت أغير السلبي منها ده حرفيا هيغير حياتي، الكلام ده عن العادات!! فهل نقدر نغيرها؟ ازاي؟ - الجنس :
واحد من أكتر الحاجات المشوهة في عالمنا، علشان كده هنتعلم ازاي وليه الله عمله؟ وايه التشوهات الي وصلنا ليها حاليا؟ ولو أنا مدمن للجنس ازاي أمشي خطوات تساعدني على التعافي والشفاء؟ - ألم جاف !!
كلنا بلا استثناء عندنا أسئلة كتيرة في موضوع الألم، والأهم والأصعب عندنا وجع وحيرة في مواقف كتيرة عدينا فيها بألم، في المرة دي هنتعلم شوية لكن ممكن نفضفض أكتر. - الكبير اوي !!
رغم اعترافنا إن الله هو الكبير واللي منقدرش نعيش من غيره، الا اننا عايشين فعلا من غيره وبعيد عنه !! مش عارفين هو مين بالظبط ؟! متلخبطين شوية في صفاته وطبيعته، وكمان مش عارفين نعمل معاه علاقة لأننا مش شايفينه !!
السكة اللي هنمشيها سوا دي، هتكون عبارة عن 13 مرة هنتقابل فيهم اون لاين، مرة كل أسبوع، ومش هتكون للتعليم فقط، لكن الأهم فيها، هو انك هتكون في مجموعة شبهك، تتعلموا مع بعض، وبتتناقشوا أو بتفضفضوا حوالين الموضوع المطروح، وكل حد بيقرر يعمل ايه، وقائد المجموعة هيتابعه ويشجعه ينفذ اللي قاله.
التسجيل
من نحن
نحن فريق قسم تلمذة الشباب وتدريب القادة التابع لمؤسسة
أمل جديد ، وهى خدمة تابعة لرابطة الخدمات الإنجيلية بمصر.
تواصل معنا
- إيريني سمير: 01280105352
© 2021, New hope. All rights reserved | developed by iLamp