Hope Small groups

هي مسيرة للتعليم والمشاركة داخل مجموعات صغيرة اونلاين ، نساعدك من خلالها على التغيير والنمو في حياتك العملية والروحية.

المسيرة دي مجاناً لشباب ثانوي وجامعة

في الفترة من 1 فبراير إلى 30 أبريل 2021​

الموضوعات اللي هناخدها:

مين أنا؟ في المرة دي هنتعلم عن الهوية .. ايه أهميتها؟ وازاي اكتشفها؟ وهل ممكن تتغير من وقت للتاني ولا ثابتة؟ وايه اللي بيحدد قيمة الإنسان؟

نفسي انجح في علاقاتي: لأن العلاقات واحدة من أهم الحاجات اللي في الحياة، فهناخد 4 مرات عنها، هنتعلم مبادئ أساسية تنجح أي علاقة، وعن ايه الحقوق والحدود اللي لينا وعلينا، وعن الاعتمادية وادمان العلاقات، وعن ازاي وليه أغفر.

الجنس: واحد من أكتر الحاجات المشوهة في عالمنا، علشان كده هنتعلم ازاي وليه الله عمله؟ وايه التشوهات الي وصلنا ليها حاليا؟ ولو أنا مدمن للجنس ازاي أمشي خطوات تساعدني على التعافي والشفاء؟

منافس الله !! في المرة دي هنتكلم وهنتناقش عن عداوة الله للمال، وهنتعلم ازاي ندير أموالنا بطريقة متزنة.

الناجح يرفع ايده !! النجاح هو واحد من المواضيع المحيرة، مين الشخص الناجح؟ وايه المعايير اللي اقدر اقيس عليها؟ وهل المعايير دي تنفع مع كل الناس؟ هل في تعارض بين النجاح العملي والروحي؟ هنتناقش وهنتعلم حوالين الأسئلة دي.

الكبير اوي !! رغم اعترافنا ان الله هو الكبير واللي منقدرش نعيش من غيره، الا اننا مش عارفين اوي نعمل ده !! مش عارفين هو مين بالظبط ؟! متلخبطين شوية في صفاته وطبيعته، وكمان مش عارفين نعمل معاه علاقة لأننا مش شايفينه !!

العادات : رغم سمعتها الوحشة، الا انها قوية جدا، وواخدة 40% من تصرفاتنا اليومية، فهل نقدر نغيرها؟ ازاي؟

 

السكة اللي هنمشيها سوا دي، هتكون عبارة عن 13 مرة هنتقابل فيهم اون لاين، مرة كل أسبوع، ومش هتكون للتعليم فقط، لكن الأهم فيها، هو انك هتكون في مجموعة شبهك، تتعلموا مع بعض، وبتتناقشوا أو بتفضفضوا حوالين الموضوع المطروح، وكل حد بيقرر يعمل ايه، وقائد المجموعة هيتابعه ويشجعه ينفذ اللي قاله.

التسجيل







    من نحن

    نحن فريق قسم تلمذة الشباب وتدريب القادة التابع لمؤسسة
    أمل جديد ، وهى خدمة تابعة لرابطة الخدمات الإنجيلية بمصر.

    تواصل معنا

    • إيريني سمير: 01280105352

      © 2021, New hope. All rights reserved | developed by iLamp